ACARA ULANG TAHUN

IBADAH PARTANGIANGAN ULANG TAHUN KELAHIRAN (BHS BATAK)

PA-80-HON

OP. LASMA BORU SIHOMBING

DI KOMPLEKS KPN PURWAKARTA

SELASA, 22 APRIL 2014

Tingki na hohom --- Organ Angonangon sian BE No. 10:1

1.        Marende No. 10:1-2      Hupuji, Hupasangap Ho                                BL. 128

Hupuji, hupasangap Ho, Amang pardenggan basa.

Ai jadijadianMu do sude, angka na masa.

Ditompa Ho do sasude, dagingku ro di tondi pe, pinuji ma goarMu.

Saluhut na tinompaMi naeng sonang di rohaMu ;

     Arian dohot borngin pe disarihon rohaMu

     Nang uhum di gomgomanMi, na tigor, na sintong do i, pinuji ma goarMu.

2.        Votum – Introitus – Tangiang  (U: Uluan, H: Huria)

U  : Marhitehite goar ni Debata Ama, dohot goar ni AnakNa Tuhan Jesus Kristus, dohot goar ni Tondi Porbadia na tumompa langit dohot tano on.

H  : Amen

U  : Beta hamu itaendehon ma Jahowa, itaolophon ma partanobatoan ni hatuaonta!

H  : Itadapothon ma tu jolo ni bohiNa marhitehite pujipujian, itaolophon ma Ibana marhitehite ende!

U  : Ai Debata na timbul do Jahowa, jala raja bolon mangatasi sude angka debata.

H  : Di bagasan tanganna do angka ojahan ni tano on, jala guru di Ibana do punsu ni angka dolok.

U  : Guru di Ibana do laut, jala Ibana do tumompasa, jala tanganna do jumadihon tano darat.

H  : Beta hita manungkap dohot marsomba, marsinggang ma hita tu jolo ni Jahowa, Sitompa hita.

U  : Ibana do Debatanta, jala hita bangso pinarmahanna, jala birubiru ni tanganna. Sadarion, aut ditangihon hamu nian soarana!

       Haleluya! Martangiang ma hita....! 

H  : Amen

3.        Manjaha Hata ni Debata Jesaya 40 : 26 – 36

U  : Manaili ma matamuna dompak ginjang, jala ida hamu, tung ise ma na manompa angka i? Tung ise ma paruar parangannasida marbilangan? Ibana tahe manjou luhutna i di goarna be, marguru tu hinagodang ni gogona, jala ibana do na sun hinagogo, ndang tagamon lilis nanggo sada.

H  : Boasa ma dohononmu ale Jakkob, jala didok ho ale Israel: Buni do dalanku maradophon Jahowa, jala ndang maruli uhum ahu sian Debatangku.

U  : Atehe, ndang diboto ho, manang ndang dung dibege ho? Debata salelenglelengna do Jahowa, sitompa angka ujung ni tano on, ndang olo loja manang mandate ibana, jala ndang hadodoan pingkiranna i.

H  : Ibana balik mangalehon gogo tu na loja, jala dipargogoi situtu angka na so margellok.

U  : Loja pe angka dolidoli jala mandate, jala tarsulandit angka na mardaging na tambos.

H  : Alai angka na marhaposan tu Jahowa maruli hagogoon mardapotdapot, gabe marhabong ni lali laho manaek. Marlojongi nasida ndang olo loja, mardalani nasida ndang olo mandate.

U  : Ima sahatna.

       Martua do angka na tumangihon Hata ni Debata jala na umpeopsa.

H  : Amen.

 

4.        Marende BE  No. 743 : 1 – 2   O Tuhan Togutogu Ma

O Tuhan togu-togu ma au, tu dalan lomo ni rohaMi,

Raphon Ho sonang mardalan au, nang rahis maol sidalananki,

TondiMi baen manggohi au on, Margogoihon au naposoMon,

Pasangap Ho dingolungkon, Paima sahat tu surgo au on.

Panghulingi ma au O Tuhan, Na rade tumangihon hataM,

      Sai tumpahi ruasMu Tuhan, Na uasan nuaeng di hataM,

      Sai patau ma au on naposoM, Manjou halak na dao sian Ho,

      Ro di na so tumanda Ho, Muba gabe pangoloi di Ho.

5.        J  a  m  i  t  a

6.        Marende BE . No. 262:1 + 5   Jahowa Tuhanki                                   BL.149

Jahowa Tuhanki  Ho mual ni na denggan

Sitompa sasude Silehon hangoluan

Sai lehon ma di au Pamatang na hipas

Maringan ma di au Baen roha na ias.

      Ramoti au tongtong Saleleng au mangolu

      Matua pe au on Pabenget ma rohangku

      So tung marlindang maon tongtong parangengki

      Ubanon pe au on Naeng hot do sangaphi.

  

7.        Panjanghonon di Hata ni Debata : Pembacaan ayat oleh Keluarga

Ø  Anak/Parumaen/Hela/Cucu

Kami percaya, bahwa hidup ibu kami, adalah seperti hidup Israel dalam Ulangan 32:10 : “DikelilingiNya Ibu kami dan diawasiNya, dijagaNya sebagai biji mataNya”.

Kami percaya, bahwa hidup Ibu kami juga, selanjutnya adalah saperti hidup Israel dalam Yesaya 43:2: “Janganlah takut, sebab Aku telah menebus engkau, Aku telah memanggil engkau dengan namamu, engkau ini kepunyaanKu”.

Kami percaya, bahwa hidup Ibu kami, adalah seperti hidup Israel dalam Yeremia 29:11: ”Sebab beginilah Firman Tuhan: Aku ini mengetahui rancangan-rancangan apa yang ada padaKu mengenai kamu,demikianlah Firman Tuhan, yaitu rancangan damai sejahtera dan bukan rancangan kecelakaan, untuk memberikan padamu hari depan yang penuh harapan”.

Ø  Ompu Lasma Doli - Boru

Na boi dohononhu i ma holan songon  na nidok ni tangiang ni par Psalmen i do :  (Mazmur 71:1,5-6,9,17-18)

o  Marhaporusan tu Ho do ahu, ale Jahowa, ndang tagamon murak ahu salelelelengna.

o  Ai Ho do panghirimonku, ale Tuhan Jahowa nalom ni rohangku sian sietehetehonku.

o  Naung mangunsande tu Ho do  ahu sian bortian, Ho do parmudu ahu sian siubeon ni dainang, sai Ho do tongtong pujionhu.

o  Sai unang bolonghon ahu di tingki haubanonhu, molo maol suda gogongku unang tadinghon ahu.

o  Ale Debata, sai Ho do mangajari ahu sian sietehetehonhu, jala rasirasa nuaeng sai hupaboa-boa do halongangan angka na binahenMi.

o  Nang sahat di hadohungon dohot haubanon, sai unang tadinghon  ahu, ale Debata , paima hubaritahon tanganMu tu pinompar , hagogoonMu tu saluhut angka na ro sogot. Amen.

8.        Martangiang Niuluhon Ni Hasuhuton

9.        Marende BE No. 691 : 1 – 2   Hupasahat ma Tu Jesus

Hupasahat ma tu Jesus saluhutna ngolungki,

Roha nang pambaenanku saluhutna tingkingki

Hupasahat ma tu Jesus saluhutna diringki,

Hupasahat ma tu Jesus saluhutna ngolungki.

       Pangkeonku ma tanganku, mangula lomoNa I,

      Langka nang simanjojakku mangihuthon Tuhanki.

      Hupasahat ma ………

10.    Martangiang Niuluhon Ni Hulahula

11.    Marende BE. No. 753 : 1 --  Dipardalanan Jesus Di Jolongku (Papungu Pelean)

Dipardalanan Jesus dijolongku Holong ni tanganMi manogu au

Nang di ngoluku Ho do sombaongku Tung sonang mardalan raphon au.

Huboto do tangkas pangouonMu. Diiringiring Ho do langkangki.

Sahat ro di ujung ni pardalanku Togu ma au jonok tu lambungMi,

Sipata lilu haporseaonhu Ni lilianan ni portibi on

      Alai dung Ho hutatap o Tuhanku Margogo doau dingolungkon

      Huboto ………

Patogu ma Tuhan haporseaonku, Asa polin tu Ho manghirim au,

Tu surgo I patulus pardalananku, TondiMi maringan ma di au.

Huboto do ………

12.    Parsuruon

U  : Hamu angka dongan sahaporseaon, nunga tahalashon pambahen ni Debata tu inang Op. Lasma br. Sihombing na marulang tahun pa-80-hon, songon i nang tu hita saluhutna na pungu di son. Alani pos ma rohanta, songon pangaramotiNa di hita sian ari nasalpu i songon i ma ibana manangannangan ngolunta nang tu ari na naeng ro.

H  : Songon on didok Jahowa marhite panurirangNa si Jesaya “Tangihon ma ahu ho ale pinompar ni si Jakkob dohot nasa pasipasi ni pinompar ni si Israel, angka na huompa sian bortian dope, angka na huabing sian hatutubuna.”

U  : Sahat ro di hatutuamu sai tongtong do ahu, jala ro di * na ubanon sai ahu do mangusung hamu. Ahu do mambahensa na sai laon, ahu do mangompa, ahu do mangabing jala ahu paluahon nuaeng.

H  : Ai lam moru do angka ariarinami sudena dibahen rimasmu, ai songon ho i sada do laho suda angka taonnami.

U  : Ariari ni taonnami, intap pitupulu taon do i, jala molo marhagogoon situtu dieak do ualupulu taon, jala hinadenggan nasida do * hangaluton dohot halojaon, ai hatop situtu do laho salpu, jala habang do hami.

H  : Tung ise ma tumanda gogo ni rimasmu, jala dihabiari Ho hombar tu pangonai ni rimasmu?

U+H  : Sai parroha i ma hami mamilangi angka ariarinami, asa dapotan roha na bisuk hami. Amen.

13.    Tangiang Pelean -  Tangiang Ale Amanami - Pasupasu